Un nòble neci par Joël Simon
Lo reire-grand, Miquèu Vincent, relotgièr a Fijac al sègle XIX, èra frimasson e se fasiá apelar Artemon, qu’es, coma cadun z-ò sap, lo masculin d’Artemis , la divesa de la caça, e, çaquela, èra pas caçaire ! Lo Grand éra un trufandièr de primièra, e, amb los amics seus fasiáun de nhòrlas als vesins o als « amics ».
Demest eles, i aviá un nòble un pauc neci, que se planha totjorn que la Republica fasiá pas gaire pel mond nobilièr. Alara, un jorn, lo Grand e los autres li diguèron : « Sabètz, monsur lo comte, que los nòstres deputats venon de votar una lei que fa que los nòbles podon, ara, viatjar a-gratis dins los trens. Agachatz, es dins lo diariu. » Tot nòble qu’èra, lo tipe sabiá pas legir ! Mespresèt lo jornal e s’exclamèt fòrt e naut : »e ben, còp sec, me’n vau passejar a Capdenac…mas, que me cal dire al cap de gara quand passarai lo portanèl ? » « Es plan aisit, faguèt l’Artemon, ne passant davant, metètz l’index vòstre jol nas e cridatz : « psittt, noblesse. » (Cal saber qu’a-n-aquela epòca una tala gesta èra lo parièr del « braç d’onor » d’uèi !)
Lèu-lèu, lo comte arriba a la gara, mas los farcejaires l’aviáun davançat e prevengut lo cap de gara, tanben, quand lo comte faguèt lo « psitt noblesse » l’autre lo saludèt respectuosament d’un « passatz monsur lo comte » qu’emplenèt lo nòstre nòble d’una granda fiertat. Mas, quand volguèt sortir de la gara de Capdenac, que degun èra prevengut, foguèt quicòm d’autre ! Lo malurós neci acabèt son viatge al pòste de policia, ont lo mond tot se crebèt la pèl de rire, quand contèt son istòria. Foguèt aliberat sens autra formalitat, dintrèt a fIjac, aiceste còp amb un bilhet plan pagat, riguèt de la nhòrla amb los farcejaires, mas, per se venjar, non pas d’eles, mas del cap de gara fijagòl( !) prenguèt, un autre jorn, un anar e venir per Capdenac, e se’n tornèt de pès ! Lo cap de gara de Fijac, çò pensèt, foguèt plan trapat !

Un noble naïf :
Mon arrière grand-père, Michel Vincent, horloger à Figeac au XIXè siècle, était franc-maçon, et se faisait appeler Artémon, qui est, comme chacun sait, le masculin d’Artémis, la déesse de la chasse, et pourtant, il n’était pas chasseur ! C’était, par contre, un farceur de première, et, avec ses amis, il faisait des blagues à ses voisins et à ses « amis ».
Parmi eux, il y avait un noble un peu naïf, qui se plaignait toujours que la république ne faisait rien pour la noblesse. Alors un jour, l’ancêtre et ses copains lui dirent : »savez-vous, monsieur le comte que nos députés ont voté une loi qui stipule que, dorénavant, les nobles voyageront gratuitement par le train. Regardez, c’est dans le quotidien ». Tout noble qu’il était, le type ne savait pas lire ! Il dédaigna le journal et s’exclama haut et fort : »eh bien, je m’en vais de ce pas me promener à Capdenac….mais que faut-il dire au chef de gare quand je passerai le portillon ? » « c’est très simple, dit Artémon, en passant devant lui, vous mettez votre index sous votre nez et vous dites ; »psitt noblesse ».(Sachez qu’à cette époque, un tel geste était l’équivalent du « bras d’honneur » d’aujourd’hui).
Le comte arriva rapidement à la gare, mais les farceurs l’y avaient précédé et prévenu le chef de gare, aussi, quand le comte fit son « psitt noblesse » l’autre le salua respectueusement d’un « passez monsieur le comte » qui remplit notre noble d’une grande fierté. Mais, quand il voulut sortir de la gare de Capdenac, où personne n’était au courant, ce fut une autre affaire ! Le naïf malheureux finit son voyage au poste de police, où tout le monde rit aux éclats, quand il raconta son histoire. Il fut élargi sans autre formalité, rentra à Figeac, cette fois avec le billet payé, rit de la blague avec les blagueurs, mais, pour se venger, non pas d’eux, mais du chef de gare figeacois( !) il prit, un autre jour, un aller-retour pour Capdenac, et s’en revint à pieds ! Le chef de gare de Figeac, pensa-t-il, fut bien attrapé !