L’ OSTALON par Aimé Tastaire

L’ OSTALON par Aimé Tastaire, Illustration Joël Tissandier, du côté de Saint Pierre Tourac

Aquò’s pas un ostal borgés, se’n manca ! Pichonet, solet a la broa d’un bruèlh, la natura es per el lo sol asuèlh.
Degun mai demora aicí. Los parents defuntats, los enfants an fugit cap a la vila granda e sos atraches. Ara i a pus gaire de vida dins aquel caire perdut. Daissat a son triste sòrt, l’ostalon es estat abandonat sens cap de remòrs sus aquela tèrra ont tant s’agrada.

Aital, enrasigat prigondament, es totjorn quilhat. Desfisant las dessasons e las annadas, a sauput téner còp e aparar mantunas generacions amb estacament .

La pesuga teulada de lausas grisencas treslusís encara jol solelh del matin, recubèrta de rosada que li fa coma un mantèl de satin.

Las parets, bastidas de vièlhas pèiras del país grossièirament talhadas son insensiblas als otratges del temps e pareisson èstre aquí dempuèi totjorn, imbrandablas. Rufas e desparièras benlèu, mas talament polidas .

Sul costat, apevat a la paret, semblant un clapàs, l’esquina arredondida, duèrm lo fòrn de pan. Sa gola badanta e negrosa desespèra pas de còire encara de bèlas tortas blondas.

Sul davant, long de la faciada, se pòt veire encara qualques flors passidas, mas tanben, çai e lai, l’espèr de qualques regrilhs. D’aucèls , dins lo bòsc vesin fan entendre lors babilhs. D’èrbas nautas ondejan indolentament jos l’aureta leugièra.

L’òrt, darrièr, amb sas taulas autrescòps plan ordenadas e ricas de bèls legums es ara envasit de tranuga e de verdolaiga. De talhar las randas que enrodan l’ostalon se fa besonh.

La cleda per dintrar, que deuriá èstre barrada per una cadena que pindola es demorada entredubèrta, qual sap perqué ? Benlèu un signe d’espèr ? Espèr de veire un jorn qualqu’un passar lo sulhet. Perqué pas los enfants o pichons-enfants, desiroses de tornar trobar aicí los sovenirs imperibles de lor enfança.

E se deu èstre pas qu’una residéncia segondària, qué fa ! aprèp tot çò pus important es de tornar viure.

​A.T. ( Junh de 2005 )

Revirada :

LA MAISONNETTE

Ce n’est pas une maison bourgeoise, il s’en manque ! Toute petite, esseulée à l’orée d’un bosquet, la nature est pour elle le seul horizon.
Plus personne habite ici. Les parents décédés, les enfants ont fui vers la grand ville et ses attraits. Maintenant il n’y a plus guère de vie dans ce coin perdu. Laissée à son triste sort, la maisonnette a été abandonnée sans aucun remord sur cette terre où elle se plait tant.

Ainsi, enracinée profondément, elle est toujours debout. Bravant les intempéries et les ans, elle a su résister et protéger plusieurs générations avec dévouement.

La pesante toiture de lauzes grisâtres scintille encore sous le soleil du matin, recouverte de rosée qui lui fait comme un manteau de satin.

Les murs, bâtis de vieilles pierres du pays grossièrement taillées sont insensibles aux outrages du temps et paraissent être là depuis toujours, inébranlables. Rugueux et inégaux peut-être, mais tellement jolis !

Sur le côté, adossé au mur, ressemblant à un gros tas de pierres, le dos arrondi, dort le four à pain. Sa gueule béante et noirâtre ne désespère pas de cuire encore de belles tourtes blondes.

Devant, le long de la façade, on peut encore apercevoir quelques fleurs fanées, mais aussi, ça et là, l’espoir de quelques nouvelles pousses. Des oiseaux dans le bois voisin font entendre leurs babils . De hautes herbes ondulent nonchalamment sous la brise légère.

Le potager, derrière, avec ses planches autrefois bien ordonnées et riches de beaux légumes, est maintenant envahi de chiendent et de pourpier. Les haies qui entourent la maisonnette ont besoin d’être taillées.

Le portillon d’entrée, qui devrait être fermé par une chaîne qui pendille est resté entr’ouvert, qui sait pourquoi ? Peut-être un signe d’espoir ! Espoir de voir un jour quelqu’un franchir le seuil. Pourquoi pas les enfants ou petits-enfants désireux de retrouver ici les souvenirs impérissables de leur enfance ?

Et si elle ne doit plus être qu’une résidence secondaire, qu’importe ! après tout, le plus important est de revivre .

A.T. ( Juin 2005 )