Conte en escaleta - Bona culhida !

, par Aimé Tastayre

Un jorn que cercavi de mossalons dins un bosquilhon,
Trobèri una domaisèla vestida d’un leugièr cotilhon.
Li demandèri aimablament de rebussar son cotilhon.
Aquí que la domaisèla, rogissenta, volguèt pas rebussar son cotilhon.
« A ! domaisèla, vòles pas rebussar ton cotilhon ! vau demandar al vent de m’ajudar. »
Aquí que lo vent volguèt pas m’ajudar a rebussar lo cotilhon.
« A ! vent, vòles pas m’ajudar ! vau demandar als arbres a l’entorn de te copar lo buf »
Aquí que los arbres volguèron pas copar lo buf del vent.
« A ! arbres, volètz pas copar lo buf del vent ! vau demandar a la borrasca de vos desquilhar »
Aquí que la borrasca volguèt pas desquilhar los arbres.
« A ! borrasca, vòles pas desquilhar los arbres ! vau demandar a la pluèja de te calmar. »
Aquí que la pluèja volguèt pas calmar la borrasca.
« A ! pluèja, vòles pas calmar la borrasca ! vau demandar al solelh de t’assecar »
Aquí que lo solelh volguèt pas assecar la pluèja.
« A ! solelh, vòles pas assecar la pluèja ! vau demandar a las nivols de t’escondre. »
Aquí que las nivols volguèron pas escondre lo solelh.
« A ! nivols, volètz pas escondre lo solelh ! vau demandar al cèl blau de vos caçar. »
Aquí que lo cèl blau volguèt pas caçar las nivols.
« A ! cèl blau, vòles pas caçar las nivols ! vau demandar al Bon Dieu de t’escuresir.

Alara, lo bon dieu volguèt escuresir lo cèl blau ; lo cèl blau volguèt caçar las nivols ; las nivols volguèron escondre lo solelh ; lo solelh volguèt assecar la pluèja ; la pluèja volguèt calmar la borrasca ; la borrasca volguèt desquilhar los arbres ; los arbres volguèron copar lo buf del vent ; lo vent volguèt m’ajudar e la domaisèla volguèt ben rebussar son cotilhon.

E es aquí que la domaisèla, totjorn rogissenta, me diguèt sens bestorns : « Ara qu’ai rebussat mon cotilhon, a ieu m’agradariá de veire ton auselon ! ». Ne demorèri tot colhon… e vos daissi devinar çò que s’enseguèt dins lo bosquilhon !

A.T.

 bosquilhon :bosquet -rebussar :retrousser - lo buf : le souffle
 borrasca :bourrasque - desquilhar :abattre - cèl blau : ciel bleu