Ò Fial Dels Carcinòls Vertuoses

QUIN NADAL ? / QUEL NOËL ?

Claude Vertut — 2022-12-06T13:42:15Z

QUIN NADAL ? : Un raconte de nòstre Amic Aimat Tastaire,
Una data e un mes sul calendrièr, lo 25 de Decembre : NADAL. Mas Nadal çò parièr per totes ? Non pas cèrtas !
Nadal, fèsta de la nativitat per los que creson, que se sarran a la glèisa per la messa de mièja-nuèch, que pregan e cantan lor fe amb de nadalets polits, puèi s'entornan, lo còr en patz
festejar joiosament.
Nadal, fèsta pagana

QUIN NADAL ?
Una data e un mes sul calendrièr, lo 25 de Decembre : NADAL. Mas Nadal çò parièr per totes ? Non pas cèrtas !
Nadal, fèsta de la nativitat per los que creson, que se sarran a la glèisa per la messa de mièja-nuèch, que pregan e cantan lor fe amb de nadalets polits, puèi s'entornan, lo còr en patz
festejar joiosament.
Nadal, fèsta pagana per los qu'an los pès al caud e pòdon despensar sens comptar. Aqueles se'n van far lo ressopet a Tahiti o a l'illa Maurici, en « jet » se vos plai ! Sens estats d'anmas e sens pensament, vivon dins un autre mond, per eles es Nadal cada jorn.
D'aquel temps, los que vivon dins la pauretat, que an estalviat a longor d'annada, eurò aprèp eurò, s'aprestan per un Nadal que se deu d'èstre celebrat, per los enfants e la familha de prèp, quiti a far magra vida los jorns a venir. Çaquelà, es un biais de reünir la familha un còp l'an, aquò sufis a lor bonur.
Quin Nadal per los vagabonds, los mendicants de mai en mai joves que rebalan per las carrièras ? D'un agach alupadís manjan las davanturas plan garnidas dels tractaires, mas es pas aquò que risca de los assadolar ! Envejan los privilegiats plan vestits, assetats al restaurant, dins una sala plan cauda, davant un repais de fèsta. Per aquels sensabrics, se an bona astrada, en s'agropant, poiràn crompar doás o tres botelhas de bon vin de Cáurs al lòc de la piqueta acostumada, per acompanhar un tròç de pan e de cambajon. Aital, alara que s'enlairan dins la nuèch freja los cants nadalencs, van soscar, benlèu, als Nadals qu'an conegut…autrescòps !
Nadal solitari per los vièlhs, plan sovent oblidats dins un apartament emplenat de sovenirs, qual sap ? De sovenirs dels Nadals d'antan, quand la pèça ressonava encara dels cridals joioses de pichons-enfants davant los presents. Se pòt tanben qu'un vesin aimable los convida per lor donar un pauc d'aquela calor umana que tant lor manca. Per aqueste ser, mas aqueste ser solament, oblidaràn lor solesa.
Que dire del Nadal de los que devon trabalhar per aquel jorn de finfa, que son aquí per salvagardar nòstre ben-èstre : los pompièrs, los doctors, los soldats, lo personal espitalièr, los gendarmas eca…eca…Per eles, es un Nadal particular que se festarà pus tard…benlèu !
Nadal doble, e doblament triste pels dròlles que los parents son separats, e que devon anar chas l'un e chas l'autre quistar amb los presents un amor partejat.
Urosament, per la màger part dels enfants, Nadal es lo jorn tant esperat ont, al matin, aprèp una nuèch poblada de sòmis meravilhoses, los uèlhs encara emplenats de sòm, descubrisson jol sap enlusit los presents envolopats de papièrs e de ribans colorats. Los uèlhs ara plan dubèrts e lusents, s'aprochan, lo còr tustant de plaser e començan, los dets tremolants, d'escrifar los embalatges. Los crits de joiosa suspresa gisclan dins l'ostal jols uèlhs atendresits dels parents que, çaquelà, pòdon pas respondre a la question pausada : « Mas cossí fa lo bonòme de Nadal per davalar amb tot aquò per la chimenèia ? »

Degun a jamai sachut respondre…e ieu tanpauc ! Mas çò que sabi, es que i aurà totjorn de Nadals uroses pels unes e maluroses per d'autres. Perqué ? aquí tanben ai pas la responsa !

TRADUCTION :

QUEL NOËL ?

Une date et un mois sur le calendrier, le 25 Décembre : NOËL. Mais Noël le même pour tous ? Certes pas !
Noël, fête de la nativité pour les croyants, qui se serrent à l'église pour la messe de minuit, qui prient et chantent de jolis cantiques de Noël, et ensuite reviennent, le cœur en paix, festoyer joyeusement.
Noël, fête païenne pour les riches qui peuvent dépenser sans compter. Ceux-là vont faire le réveillon à Tahiti ou à l'île Maurice, en jet s'il vous plait ! Sans états d'âme et sans soucis, ils vivent dans un autre monde, pour eux, c'est Noël tous les jours.
Pendant ce temps, ceux qui vivent dans la pauvreté, qui ont économisé à longueur d'année, euro par euro, s'apprêtent pour un Noël qui se doit d'être célébré pour les enfants et la proche famille, quitte à se serrer la ceinture durant les prochains jours. Cependant, c'est un moyen de réunir la famille au moins une fois par an. Cela suffit à leur bonheur.
Quel Noël pour les vagabonds, les mendiants de plus en plus jeunes qui traînent dans les rues ? Avec convoitise, ils mangent du regard les devantures bien garnies des traiteurs, mais ce n'est pas cela qui risque de les rassasier ! Ils envient les privilégiés bien vêtus, assis au restaurant, dans une salle bien chaude, devant un repas de fête. Pour eux, s'ils ont de la chance, en se groupant, ils pourront peut-être acheter deux ou trois bouteilles de bon vin de Cahors au lieu de la piquette habituelle, pour accompagner un morceau de pain et de jambon. Ainsi, alors que s'élèvent dans la nuit froide les chants de Noël, ils vont rêver, peut-être, aux Noëls qu'ils ont connu… avant !
Noël solitaire pour les vieux, bien souvent oubliés dans un appartement empli de souvenirs, qui sait ? Des souvenirs de Noëls d'antan, quand la pièce résonnait encore des cris joyeux des petits-enfants devant les cadeaux. Il se peut aussi qu'un voisin gentil les invite pour leur donner un peu de cette chaleur humaine qui leur manque tant. Pour ce soir, mais ce soir seulement, ils oublieront leur solitude.
Que dire du Noël de ceux qui doivent travailler en ce jour de liesse, qui sont là pour sauvegarder notre bien-être : les pompiers, les docteurs, les soldats, le personnel hospitalier, les gendarmes etc…etc…Pour eux, c'est un Noël particulier qui se fêtera plus tard…peut-être !
Noël double, et doublement triste pour les enfants dont les parents sont séparés, et qui doivent aller chez l'un et chez l'autre quémander, avec les cadeaux, un amour partagé.
Heureusement, pour la plupart des enfants, Noël est le jour tant attendu où, le matin, après une nuit peuplée de rêves merveilleux, les yeux encore remplis de sommeil, ils découvrent sous le sapin illuminé, les cadeaux enveloppés de papiers et de rubans colorés. Les yeux maintenant bien ouverts, ils s'approchent, le cœur battant de plaisir et commencent, les doigts tremblants, à déchirer les emballages. Les cris de joyeuse surprise jaillissent dans la maison sous les yeux attendris des parents qui, malgré tout, ne peuvent répondre à la question posée : « Mais, comment fait le bonhomme de Noël pour descendre avec tout ça par la cheminée ? »
Personne n'a jamais su répondre…et moi non plus ! Mais, ce que je sais, c'est qu'il y aura toujours des Noëls heureux pour les uns et malheureux pour d'autres. Pourquoi ? Là non plus je n'ai pas la réponse !

La légenda del Frau - Reculhida per Aimat Tastaire

Claude Vertut — 2017-10-05T13:58:52Z

LA LEGENDA DEL FRAU
Reculhida per Aimat
Tastaire

Aquí la legenda del frau tala que me foguèt contada per una dama quasi centenària, d'una certana cultura, que l'aviá recaptada (recueillie) ela meteissa al prèp d'una persona, onorabla e digne de creire (digne de foi) i a un pauc mai de setanta ans.
« Cregats pas, me diguèt, que çò que vos vau contar siá pura imaginacion. Consultatz las archius del Conselh de Fabrica de Lavercantièra e trobaretz tot al long, sus un preciós pergamin, enluminat per un dicípol (élève) de Jehan Bourdichon a la debuta del sègle XVI, la relacion ninòia (naïve) e graciosa d'aquels eveniments extraordinaris. Per dire la vertat (À vrai dire) la contitucion geologica del Frau no'n s'acorda a plec (ne s'accorde pas absolument) amb la legenda. Mas a-n aquel subjècte, la poesia preval (prime) sus la sciéncia.

Aital doncas, en l'an de gràcia 1428, Raymond d'Hebrard, senhor abat de Marcilhac, avent de dificultats amb Claude la Crèze, Degan (Doyen) de Lavercantièra, tocant una question de vestiari, decidiguèt de mandar prèp d'el son cellerièr Rigal de Larroque, ajudat (assisté) del pitancièr del monestièr, jos la proteccion de tres sergents d'armas ; Rigouste, Boudousquier, Bernard Passerat.
Mas, cal dire que i aviá a-n aquela epòca granda misèria al reiaume de França. Jehane la piucèla aviá pas encara botat defòra los Angleses del païs. Duguesclin aviá ben menat en Espanha « los escorgaires (les écorcheurs) e los tard venguts » e autres Navarreses e Brabançons de las grandas companhiás, mas demorava encara pels campèstres de bandas de rotièrs (routiers), malandrins sens fe ni lei, sens fuòcs ni luòcs, que brutlavan, pilhavan, forçavan (violaient) amb lo meteis cinisme que los bastards (bâtards) de Lebret cinquanta ans pus lèu. Caliá de coratge e un grèu motiu per s'encaminar. Los mercants Caorsins eles meteisses, los mai auzards (hardis) de totes los que peregrinavan (périgrinaient) jol cèl, demoravan quets (cois) dins la corba de lor fluvi.
Nòstre Sénher lo papa Martin V avent aquesta annada autrejat (octroyé) lo Grand Perdon als pelegrins de Ròcamador, la panta (le désir) de ganhar d'indulgéncias foguèt mai fòrta que la crenta de marridas rencontres. E los romieus (roumieux) caminèron per desena de milièrs – lo libre tanat (tanné) dels Cònsols de Cáors l'atèsta (en fait foi) – devèrs l'antic sanctuari.
Aquela circonstància semblèt favorabla al senhor abat de Marcilhac que autregèt a Rigal de Larroque e a cadun de sos quatre companhs, en mai de sa benediccion, l'esportula de plomb dels pelegrins de Nòstra Dama.
S'encaminèron un brave matin d'abrial, Rigal de Larroque cavalcava (chevauchait) una cavala arcanèa (jument haquenée), gris pomelat que l'ambla regulara (l'amble régulier) s'armonisava plan amb lo caractèr meditatiu del brave monge. Aviá passat la seissantena e de recauquilhs (boucles) argentats tombant de sa cucula (cuculle) enquadravan sa cara afinada coma una medalha antica. L'escapulari de Sant Beneset l'abilhava de bura e d'umilitat. E tot ben que foguèsse (qu'il fut) cargat de la defensa dels interèsses materials de l'Abadiá, èra lo mai dòcte e lo mai mistic de totes los religioses de l'Hebrardie (?). Lo pitancièr, cortet e grosset (courtaud et replet), penequejava (somnolait) sus una mula. A l'entorn dels dos monges, los tres sergents montavan de solids rossins, semblavan terribles dins lors armaduras ; cadun d'eles portava al punh un espieut (épieu) long de doas aunas ; sus lor cuissard saquejava (trinqueballait) un estòc capable de perfendre d'un sol còp lo mai mescresent (mécreant) dels rotièrs. Aital atrencats (accoutrés) tressusavan e una acra vapor fumava a la ventailla (ventaille) de lor èlm (heaume).
Tot lo jorn, la pichona tropa caminèt long dels sendièrs del causse sens encontrar degun, fòra qualques cabrièrs o porquièrs que la vista d'òmes en armas fasiá fugir abans que la preséncia dels monges poguèsse los rassegurar. Arribèron de vèspre en un punt a mièg camin entre Pelacoï e Gigozac ont lo pitancièr sabiá, per l'aver experimentat fa temps (jadis), trobar una albèrga que l'ensenha èra « Los 3 pelegrins » e ont devián passar la nuèch. Mas trobèron pas, a lor granda estupefaccion, que roïnas cremadas ont de tròces (débris) de pòsses carbonisadas rogegavan encara a las ferraduras (ferrures) de las pòrtas e de las fenèstras. Podent pas rasonablament far manjar plan sos companhs en talas circonstàncias, lo pitancièr tirèt de son escarcèla de cebas e de sal que repartiguèt (distribua), puèi totes s'endormiguèron.

La bruma (brouillard) del matin los revelhèt d'ora, regdes de freg e cubèrts de rosada. A Gigozac trobèron un garrèl espelhandrat (dépenaillé) que fugissiá las roïnas. Diguèt en tremolant de las dents (claquant des dents) que de nombroses rotièrs menats per Monsen (messire) Satan el meteis èran passat pendent la nuèch, pilhant e cramant tot, qu'anavan puèi devèrs lo nòrd. Bernard Passerat estimèt que seriá pauc sabi d'ensajar de los rejónher e que la prudéncia comandava de tornar brida. Mas Rigal de Larroque èra pas d'acòrdi sus aquela estrategia.

« Nenni çò diguèt, la medalha de Nòstra Dama nos apara e tanben vòstres estòcs. Una tala disgràcia pòt pas arribar de tombar entre las mans d'aqueles malestruches (malotrus) e d'èstre victimas de lors maleficis. Contunham, que la tòca es prèpa (le but est proche). Trigarem pas a veire lo cloquièr de Sant Quirin per dessús las castanhals de Lavercantièra. »

Uzèch flambava coma una entòrcha ; de fums negres montavan dels masatges (hameaux) marcant l'estirada (jalonnant la marche) dels sacamands (brigants). Prèp de la font dels pelegrins del Deganhazès, que per la vertut de Santa-Dama Maria garís los pès tòrts, los sergents comptèron amb terror las traças recentas de nombroses cavalièrs.
E coma la pichona tropa, l'uèlh a l'agach (aux aguets) escalava los travèrses del costal (côteau) que se dich « de la tuca », aquí qu'un bruch espaventable lor glacèt los òsses. Del somalh davalavan devèrs eles aital una avalanca un tropèl mostruós de diabolics centaures bardats de fèrre. Rigal de Larroque se signèt ; lo pitancièr se reconeissiá colpable (battait sa coulpe) ; los segents baissèron l'ussa (la visière) de lor casco, e totes, cresent lor darrièra ora venguda, fugiguèron al mai córrer (à bride abattue).
Ailàs ! foguèron rejonch abans lo bas de la penda e assalits de tots costats. Rigal de Larroque donèt als seus l'absolucion e diguèt als sergents :
« Melhor es, e mai onorable de morir en batalhant cranament que fugir marridament (vilainement). Sus doncas als mescresents e que dieu nos apara. »
Ausissent aquò, Rigouste donèt un tal còp d'estòc sul casco del primièr brigand qu'aqueste tombèt regde mòrt per tèrra en vomissent una olada (potée) de sang negre. Aquò foguèt lo senhal del grand assaut ont nombroses brigants foguèron nafrats, tuats, macats (meurtris). Boudousquier perdèt lo cap amb son armet (casque de fer) que son armet èra pas emmascat (enchanté) coma lo de Manbrin ( ?), per lo fach d'un gigant orrific que lo tustèt rudament per darrièr. Pendent d'oras la tèrra tremolèt jols trepejaments de l'òrra mescla (mélée) ; los pèterroses (manants) espaventats fugissián al fons de la valada…
Puèi los brigants triomfèron.
Bernard Passerat e Rigouste, tot sangnoses dins lor armadura enfonzada en mantuns endreches foguèron butats davant devèrs lo somalh de « la tuca » mentre que Rigal de Larroque e lo pitancièr estrechament ficelats seguián a la còrda. Aymar de Castelroux, lo capmèstre dels rotièrs, los esperava amont jos un brave noguièr ont penjava ja dels cadavres desgaunhoses (grimaçants). Aymar èra laid, bòrni, poagrós (podagre) e garrèl, son uèlh negre èra marrit tanplan coma sa boca.
« Anem los monges ! Es pas de vòstre art d'anar en guèrra, mas puslèu de cantar vèspres. L'avent oblidat, seretz penjats còp sec a l'arbre que vaquí ».
« Monsen (messire) respondèt Rigal de Larroque, Dieu m'es testimòni que cercàvem pas a batalhar, mas solament a menar a bona fin la mission que sèm cargats de menar al prèp del Degan de Lavercantièra. Que se devèm estre penjats per vos morirem en bons crestians, e Dieu vos castigarà d'aquel crime e de totes los autres. »
« Vietdase (diantre) ! Parlas plan, marrit monge ipocrit (papelard) ! Mas pro de presic (trêve de sermon) e que siá penjat sens esperar mai. »
Los dos sergents foguèron auçats (hissés) d'en primièr, ensucats (hébétés) e quasi mòrts. Tant paur aguèt lo pitancièr que foguèt brancat estavanit e que se desrevelhèt pas qu'al paradís. Rigal de Larroque moriguèt lo darrièr. Mentre que balançava e tornejava lentament al cap de la còrda, son agach veirenc (vitreux) faguèt lo torn de l'orizont. Quand trespassèt, una palomba (pigeon ramier) que nisava a la cima de l'arbre s'envolèt, los brigants comprenguèron que l'anma del monge montava al cèl.

Alara la tèrra volent pas èstre compliça d'un crime tant infame gronhèt al fons de sas entralhas ; se soslevèt en ondas tumultuosas que venguèron submergir « la tuca ». En pauc de temps tota la fertila region qu'aviá embrassat l'ultim agach del monge foguèt pas qu'un desèrt de sable e de calhaus rodats (roulés) sens vegetacion e sens vida.
A comptar d'aquí, las castanhas foguèron pus gauladas (gaulées) dins lo frau. Garrics, vinhas, pas cap d'arbrilhons creissèron pus sus aquels camps montuoses (montueux), infertils e peiroses (pierreux), ont, abans, s'engraissavan dins l'èrba vacas, aucas, polets e tessons.
Un òme saberut (savant), Geraud de Gindon contèt que per las nuèches de tresluc (pleine lune), s'amassavan sus la « tuca » lo diable e qualques diablotons, farfadets e lops garons per sautar e dançar dusca a l'angèlus ont Guillaumet, lo campanièr (carillonneur) de Lavercantièra, sonant la campana metiá fin a aquels esbats nocturnes.
Quand lo solelh, detràs Labastide darda sos primièrs rais, res pus viu sul frau, exceptat mossas e falguièras, brugas malvas e cendrosas (bruyères mauves et cendrées) orladas d'argelasses (ajoncs) e de genèsts.

Revirada : A.T.

*Texte recueilli auprès de Madame Irène vialard Vigié de Salapès, habitante de Rampoux

TOTJORN MAI…PER RES DE MAI ! Par Aimé Tastayre

Claude Vertut — 2017-06-18T12:25:01Z

TOTJORN MAI…PER RES DE MAI !

Èra un brave païsan, totjorn de bon pel e aimable, que veniá cada setmana al mercat de Gordon per vendre la pichona produccion de sa pichona bòria : legums, polalha, lapins, eca…
Un jorn, un òme que fasiá plan, estil President-Director-General, que visitava lo païs borian e fasiá qualques crompas amb la siá femna, lo complimenta per la qualitat e la frescor dels seus produits , çaquelà, s'estona del pauc de merças sus la taula ;
« Cossí fasètz per viure amb tan pauc per vendre, que fasètz tota la jornada ? »
« E tè, durbissi lo talh pel òrt, i a totjorn quicòm a far : aprestar la tèrra, far de taulas per semenar o plantar, deserbar, sarclar eca…oblidi pas de manjar un crostet e arrèsti quand n'ai un fais. Pus tard, me cal apasturar las polas, los lapins eca… »
« E aquò's tot ! mas aquò vos daissa plan temps, que'n fasètz ? »
« Preni lo temps de viure, legissi lo jornal, agachi la television, fau prangièra, jògui amb los dròlles, passegi pels bòsques, amassi de campairòls, eca…eca… »
« Mas, en trabalhant un pauc mai, ganhariatz mai d'argent, amb aquel argent poiriatz vos espandir, crompar d'autras tèrras, tanplan poiriatz aver un tropèl de vacas, de motons, ganhariatz encara mai d'argent, amb aquel argent poiriatz crompar de material mai perfeccionat, un tractor, e aital diversificar las vòstras culturas, far de milh, de tabat, ganhariatz totjorn mai de sòus… »
« E aprèp ? »
« Aprèp, una bona retirada. »
« E que farai ? »
« E ben ! poiretz prene lo temps de viure, legir lo jornal, far prangièra, jogar amb los dròlles, passejar pels bòsques, amassar de campairòls, eca…eca…

Traduction :

TOUJOURS PLUS…POUR RIEN DE PLUS !

C'était un brave paysan, toujours bien disposé et affable, qui venait chaque semaine à Gourdon pour vendre la petite production de sa petite ferme : légumes, volailles, lapins etc…
Un jour, un homme l'air prospère, genre P.D.G., qui visitait le pays Bourian et faisait quelques achats en compagnie de sa femme, le complimente pour la qualité et la fraîcheur de ses produits, cependant, il s'étonne du peu de marchandises sur son étal.
-Comment faites-vous pour vivre avec si peu de choses à vendre ? que faites-vous de vos journées ?
-Je commence le travail au potager, il y a toujours quelque chose à faire : préparer la terre, faire des planches pour semer ou planter, désherber, sarcler…je n'oublie pas de casser la croûte et je m'arrête quand j'en ai assez. Plus tard, il faut que je donne à manger aux poules, aux lapins etc…
– Et c'est tout ! mais cela vous laisse beaucoup de temps, qu'en faites vous ?
– Je prends le temps de vivre, je lis le journal, je regarde la télévision, je fais la sieste, je joue avec les enfants, je me promène dans les bois, je ramasse des champignons, etc…etc…
- Mais en travaillant un peu plus, vous gagnerez plus d'argent, avec cet argent
vous pourrez vous développer, acheter d'autres terres, vous pourrez aussi avoir un troupeau de vaches, de moutons, vous gagnerez encore plus d'argent, avec cet argent vous pourrez acheter du matériel plus perfectionné, un tracteur, et ainsi diversifier vos cultures, faire du maïs, du tabac, vous gagnerez toujours plus de sous…
- Et après ?
- Après ! Une bonne retraite.
– Et je ferai quoi ?
- Eh bien ! Vous pourrez prendre le temps de vivre, lire le journal, regarder la télévision, faire la sieste, jouer avec les enfants, vous promener dans les bois, ramasser des champignons etc…etc…

A.T.

LO BARBARÓS : Aimé Tastayre

Claude Vertut — 2017-06-05T22:00:10Z

LO BARBARÓS

Èra per un polit mes de Mai. Assetat peresosament a l'ombra del meu agast, plan ocupat de far pas res, agachavi volar las moscas. La me passavi bèla, tot a l'entorn èra suau e butava a la langor.
Mas aquí qu'aquela tranquillitat es trebolada per un bruch leugièr al dessus del cap, lèvi los uèlhs, e vesi se pausar sus una brancòta una pichona bola emplumada amb un bèc fin e un pitral rogenc que se bota a canturlejar bravament.
– È tu, lo barbarós ! sabi ben que cantes polidament,, mas pel moment, me fariás plaser d'anar far tos triolets endacòm mai.
El, se cala, clina son capisson sul costat, me finta, tant val dire de naut…e torna prene sa cançoneta coma se res non èra.
Aquò passa la rega ! Me lèvi, bracegi :- Fai-te enlai secafetge ! Còp sec l'aucelon pren la volada…e ieu retròbi ma cauma.
Al cap d'un moment, aquí qu'ausissi alatejar mon barbarós que torna s'ajocar sus la brancòta. Qué far ? aprèp tot, me geinava pas tant qu'aquò.
– Sès pas pauruc mon pichonet, òc ben ! se t'agrada, pòdes per ara demorar aquí e me téner companhiá . Sabi pas se a comprés, mas ai agut drech a un vertadièr concèrt, benlèu que me voliá mercejar ?
Aital, los jorns venents, cada còp que sortissiái dins lo jardin, lo barbarós tanlèu me veniá veire, voletejava a l'entorn, puèi se pausava e bresilhava joiosament. Quand per cas, èra pas aquí, aquò's ieu que l'apelavi : tsui,tsui, tsui, tiwi, tiwi, vèni aquí. Deviá pas nisar plan luènh que l'esperavi pas plan temps, d'aitant mai que m'èri acostumat de l'apitançar un pauquet cada jorn. Li esbocinavi pelsòl de trocets de pan o de bescuèch que veniá picorejar goludament. Crentós dins d'abòrd, pichon a pichon s'aprochava, a mesura qu'espandissiái las micas près de ieu.
Me calguèt almens un mes de paciéncia per, acocolit doçamenton sus l'èrba, capitar fin finala de lo far venir picorejar dins la man.
Vos pòdi dire que n'èri pro fièr !
Aquel acòrdi coral durèt qualques temps, èrem fòrt plan totes dos.
Puèi, un jorn, a desaparegut. Per tant qu'apelèsse, aviá desaparegut per de bon. Me pensi que, malurosament, a fach lo delici d'un marrit catàs del ròdol.
Paure barbarós, ai pas plorat, mas quand m'assèti jol meu arbre, se soi tranquil…çaquelà m'es de manca mon amic pichonet.

A.Tastaire

TRADUCTION :

LE ROUGE-GORGE

C'était un joli mois de Mai. Assis paresseusement à l'ombre de mon érable, très occupé à ne rien faire, je regardais voler les mouches. Je me la coulais douce, tout aux alentours était calme et incitait à la langueur .
Mais voilà que cette tranquillité est troublée par un léger bruit au dessus de ma tête, je lève les yeux et je vois se poser sur une branchette une petite boule emplumée avec un bec fin et un poitrail rougeâtre qui se met à chantonner bon train.
– Eh toi le rouge-gorge ! je sais bien que tu chantes joliment, mais pour le moment, tu me ferais plaisir d'aller faire tes trilles ailleurs .
Lui, il se taît, penche sa petite tête sur le côté, me regarde, autant dire de haut…et reprend sa chansonnette comme si de rien n'était.
Cela passe les bornes, je me lève, je gesticule, - Tire toi de là, importun ! vivement, l'oisillon s'envole…et moi je retrouve mon repos à l'ombre.
Un moment après, voilà que j'entends battre des ailes mon rouge-gorge qui revient se percher sur la branchette. Que faire ? après tout il ne me gênait pas tant que ça.
– Tu n'es pas peureux mon tout petit, oui certes ! si cela te plaît, tu peux rester là pour le moment et me tenir compagnie.
Je ne sais pas s'il a compris, mais j'ai eu droit à un véritable concert, peut être voulait-il me remercier ?
Ainsi, les jours suivants, chaque fois que je sortais dans le jardin, le rouge-gorge venait me voir aussitôt, il voletait tout autour, ensuite il se posait et gazouillait joyeusement. Quand par hasard il n'était pas là, c'est moi qui l'appelais – tsui, tsui, tsui, tiwi, tiwi, viens là ! Il ne devait pas nicher trop loin, car je ne l'attendais pas longtemps, d'autant plus que j'avais pris l'habitude de le nourrir un petit peu chaque jour. Je lui émiettais par terre des petits morceaux de pain ou de biscuit qu'il venait picorer goulûment. Craintif au début, petit à petit il s'approchait au fur et à mesure que je répandais les miettes plus près de moi.
Il me fallut au moins un mois de patience pour, accroupi tout doucement sur l'herbe, réussir enfin à le faire venir picorer dans la main.
Je peux vous dire que j'en étais assez fier !
Cette entente cordiale dura quelque temps, nous étions au mieux tous les deux. Puis un jour, il a disparu. J'avais beau l'appeler, il avait bel et bien disparu.
Je pense que, malheureusement, il a fait le régal d'un vilain gros chat des environs.
Pauvre rouge-gorge, je n'ai pas pleuré, mais quand je m'assieds sous mon arbre, si je suis bien tranquille…malgré tout il me manque mon tout petit ami.

A.Tastaire ( Juin 2004 )