Ò Fial Dels Carcinòls Vertuoses

Catinou e Jacouti - De bouns conselhs per se maridar

Silvia — 2024-01-09T14:54:33Z

DE BOUNS COUNSELHS
PER SE MARIDAR

Ambe lou temps las causos an pla cambiat. Res es plus parèlh. Mèmes lou maridage !
Autris cops las filhos abion un goust tarriple a se maridar Lour calio troubar un ome a tout prèts. Ero uno grosso vergounho de couifar lou bounet de Santo Catarino.
Taben las paurotos qu'eron pas trop poulidos e qu'abion pas trop d'escuts per amanhagar un espousaire, passabon las journados a se recitar aquelos litanios :

Nostre Senhe, maridatz-me
Nostre Senbe, ajudatz-me !
Grand e pietadous Salvaire
fasetz venir lou maridaire.
Nostre Paire que setz al cèl
fasetz-me pourtar I'anel.
Esprit-Sant bous fau counfienço
me laissetz pas dins la soufrenço
Trinitat-Santo en un soul Diou
que me maride aqueste estiou.
E bous Vierjo Mario.
me laissetz pas demourar filho
Sants e santos del paradis
qu'a moun lièt i aje dous couissis !
Sant Hipolite, un ome al pus biste
Sant Agapit, que siosque grand e poulit
Santo Couleto, amb uno bèlo moustacheto
Santo Agatho, qu'aje d'amour coumo uno cato
Sant Anastase, que siosque fort coumo un ase
Sant Frances, sustout que i manque pas res !
Sant Barnabè, qu'al lièt me porte lou cafè
Sant Gaspard, e que me laisse levar tard
Santo Moudèsto, se la soupo es pas prèsto
Santo Lèa, que la fasque sans repoutegar.
Sant Nicofore, qu'a loustal toujoun demore
Santo Sidonie que me brèsse lou neni
Santo Charloto, que me laisse pourtar culoto
Sant Nicoulas, enfin... un brabe garçounas !
Sant Bernat, qu'aje uno grando prouprietat
Sant Nectari, ambe d'argent un plen armari
Sant Bertrand, ou que siosque coumer
Santo Zenobie, amb un poulit magasin
Sant Cesari, ou que siosque founctiounari
Santo Mouniquo, ouvrièr dins uno fabriquo
Sant Pascal, un simple journalièr se cal !
Anhel de Diou, bous tant aimaple
dounatz m'en un al mens passable
Anhèl de Diou, tant piètadous
Fasetz coumo s'èro per bous.
Anhèl de Diou, enfin bous prègui
dounatz m'en un... coussi que siague !

E bous Santo Catarino,
me faguetz pas machanto mino.
Mes pus lèu siaguetz generouso,
ajetz piatat d'uno amourouso
qu'a tout perdre ne vol espousar
un, res qu'un... per coumençar !
A vostres ginouls m'aplatissi
Languissi ! Languisi ! Languissi !!!

A n'aquelos que languission trop, lour ensènhabon aquelo « Recette de tisane spirituelle »,
per las ajudar a prene lour mal en patiencio :

.Faites une infusion avec une livre d'humilité, deux grammes de mortification et une pincée d'amour de la solitude, dans trois litres d'eau de silence. Ajoutez trois verres de sirop d'allégresse, trois poignées d'herbe de patience et six cuillerées d'intentions pures. Mettez le tout dans le pot de la bonne volonté que vous ferez bouillir au feu de la méditation. Remuer avec la cuiller du courage et assaisonnez, avec quelques gouttes de mépris de yous-même. Versez ensuite le tout dans le vase de la résignation et prenez de cette liqueur cỉng ou six fois par jour après l'avoir passée dans le linge de la pureté. Si elle vous parait amère, vous l'adoucirez avec quelques fleurs d'espérance.

De lour coustat, lous goujats languission tout autant de troubar fenno, per aver lo plaser d'alisar uno poulido tourtourèlo
Mème se de cops se recitabon aquelo « pregario dels celibataris endurcits » :
Moun Diou, fasetz-me la gracio de jamai me maridar
Se me maridi, fasetz-me la gracio de jamai èsse coucut.
Se soui coucut, fasetz-me la gracio de de jamai lou saupre
Se veni a lou saupre, fasetz-me la gracio de m'en foutre !

Per metre lous jouves en gardo countro las enganos del maridage, se dision forço reprouvèrbis coumo aqueste
La prumièro annado nas a nas
La segoundo bras a bras
La tresièmo : Tiro-te'n la !..
Ou encaro de fablos coumo aquesto :
En dintrant a l'oustal, la joube maridado a cridat : « Ay ! » La porto un pauquet l'a rasclado. Per soun ome es estat uno revoulutioun :
« Ah ! Moun Diou ! Te sios pas faito mal, moun aimado ! »
Fa sieis meses que soun maridats, lou temps passo !
La fennoto en tournant, un matin, de la plaço trabuquo e patapouf ! de soun loung s'espandis. Son ome la regardo, e malgracious i dis : "Brames pas tant, e fai dounc attentioun, bestiasso !
Un an a trescoulat dempèi lou joun de noco.
En voulguent dabalar uno cargo trop grosso toutis lous escalièrs la fenno a redoulat. E per la counsoular son ome i a bramat :
"Baste que ne crevèsso aquelo grando rosso !. »
Pla sigur tout aquo empachabo pas digus de se maridar. Coumo disio la pauro menino :
"Lo maridatge aquo's coma lo papier per atrapar las mouscos !" Aquelas que son deja empegados an bèl cridar a las autros : tiratz bous d'aqui ! Aprouchètz pas qu'aquo's de pego !
Totos i galopon come se, per elos, i abio pas pus grand bounur que de se faire empegar.

Vertat es que se causir un espous ou uno espouso .es toujoun estat un affar espinut. Pr'aquo per aquelos qu'abion a causir, èron pas los conseilhs que mancabon. Autris cops dins cado vilatge i abio d'omes e mai souvent de fennos qu'èron tant val dire d'especialistos per maridar lou mounde.
A Minjocebos abiam la Petrounilho qu'èro uno maridairo renoummado, qu'abio la bouno man per apariar las gens d'un cop d'uèlh,
Sabio jujar las qualitats d'uno filho ou d'un goujat.
Se vouletz estre rensignats sus ço que bous espèro, disio la Petrounilho als jouves qu'abio l'ideio de se maridar, abetz qu'a faire ensemble la vaissėlo.
Tu. goujat, auras qu'a survelhar coussi ta proumeso lavo las siètos :
– Se las freto fort, as a faire amb uno valento mès tanben amb uno caparudo que te dounara de fial a torse.
– Se laisso las siètos secar toutos soulos en loc de las essugar, auras uno fenno intelligento, pas trop pourtado a la vatentiso mès que saura te dounar de boun temps.
– Se essugo tout abarrejat, siètos e fourquetos, es belèu qu'a l'esprit un pauc guèrlhe, ou souloment qu'es uno cap-de-cigalo qu'aimo s'amusar.
Se coupo la vaissèlo, risquo d'èstre uno sansouilhasso que se tracasso pas de grand-causo e que se trufo de tout.

« De toun coustat, filho, auras qu'a escoutar coussi toun galant pren las causos :
– Se te fa coumpliment de laissar secar las siètos en diguent qu'atal auras de temps per netejar l'oustal, as a faire amb un ome tarriploment pourtat sus 1ourganisatioun del
travalh e que risquo d'èstre un poulit embrenaire.
– Quand as las mans dins la grasalo, se ne proufito per te poutounejar, as a faire amb un lecaire que pensara mai als poutous qu'als affars de l'oustal.
– Se te fa coumpliment d'essugar las fourquetos abans las sietos es un ase, car, aprèp tout, aquo a pas cap d'impourtenço. Se te'n fa lou reproche, aquo's piri : es un ticous que s'occupo de ço que lou regardo pas.
– Se te fa coumpliment de coupar la vaissèlo en diguent qu'aquo's uno brabo oucasioun per la cambiar, as a faire amb un ome que sab prene las causos del boun coustat, mès malfiso-te
qu'aquel goust del cambioment ne fasque pas un galoupaire de coutilhous.
– Se te'n fa lou reproche, pren-te gardo !
Es un cussou, ou un fenhant qu'a poù de travalhar e d'estre oublijat de ganhar d'argent per croumpar d'autro vaissėlo. »
Cal recouneisser que soun d'indiquos pla coumodos, mès me demandi coussi fario la Petrounilho per acounselhar lous jouves d'aouèi, aro que la vaissèlo se fa touto soulo amb uno machino.
Me pensi que lour acounselhario d'anar ensemble al cinema. E que dirio a la filho :
– Del temps que lou film se debano, se toun galant gardo las mans suls sious ginouls en loc de las pausar suls tious, sigur qư'es un poùruc, un sang-tranquille ou un inoucent
que ne tiraras jamai res de boun.
E dirio al goujat :
– Se ta proumeso proufito que tout es escur per te palpejar, mèmes s'aquo te fa plaser, malfiso-te moun efant. Se trobos sa man dins la pocho ount tenes lou porto-mounedo, es
sigur gue s'interesso mai a toun argent qu'a ta poulido moustacheto.
Mès aprèp tout, es que un goujat ou uno goujato an jamai escoutat un counselh quand la prusièro de se maridar lous a agafats ?

Dictionnaires et Lexiques de Quercy /Diccionaris e Lexics de Carcin

Silvia — 2023-11-18T00:35:50Z

Vaquí una lista de lexics /diccionaris dels parlars de Carcin, que podètz telecargar.

Paul Lescale. Recherches et observations sur le patois du Quercy (dialecte de Cahors et environs), étude étymologique comprenant un glossaire étymologique de près de trois mille mots originaux

Paul Lescale. Recherches et observations sur le patois du Quercy (dialecte de Cahors et environs), étude étymologique comprenant un glossaire étymologique de près de trois mille mots originaux

Aquel obratge es estat publicat pel prumièr cop en 1923. La prumièira partida es consacrada a la gramatica, la prononciacion, e subretot a l'etimologia e al passatge del latin a l'occitan. Dins la segonda partida Paul Lescale nos balha un diccionari del parlar Naut Carcinòl de 126 paginas. Es basat sul parlar de la region de Còurs.

Lexique d'occitan du Quercy (variété de la vallée de la Dordogne) par Joan Pascal Godonesca

Fach per Joan Pascal Godonesca

Lexic d'occitan del Carcin dich « dordonhenc » (d'après la classificacion de Paul Poulet e Arno Krispin) a partir dels parlars de Sent Joan Lespinassa e Puègbrun

Aquel lexique es la resulta d'enquestas fachas al près d'Anthony Ginibre (1908-2000), Clément dit Elie Goudounesque (1927), Jean-Louis Goudounesque (1936), Solange Goudounesque nascuda Ginibre (1940)

Un jorn vendrá de Zefir Bosc

Silvia — 2023-08-02T19:00:21Z

UN JORN VENDRÀ ZEFIR BÖSC

Un jorn vendra que tornärem

Deval país qu'avèm quitat,

Devas l'airal qu'aviam aimat,

Ont la joinessa se passèt.

Car a vint ans, calguèt partir

Un còp l'armada plan finida,

Vas un patron que nos loguèt,

Siaga a la vila o la campanha,

Far domestique o servicial

Dins una bòria o un cafè,

E maites còps far fonccionaris..

Car nautres sèm, atal venguts,

D'una familha ont los enfants

Que plan nombroses, son nascuts.

Passat lo temps de las enduras,

Se maridèron los garçons

E las sòrres, quand se poguèt.

De biais, cadun a fach son temps,

Dins lo mestièr qu'a pogut faire,

Que förces còps, causiguèt pas,

Mas que lo temps, lor a fach prene.

Lèu çai venguèt la retirada,

Lo que poguèt i arribar…

D'aquí, l'idèia de tornar

Deval país de lor joinessa,

Venguèt atal, en lor sicap.

En sovenir del temps passat,

Que çaquelai, a plan cambiat,

Ont aun crompat o fach bastir

Un ostal nòu o abiassut,

Per i passar lor retirada,

E remembrar los fachs d'antan,

E, se se pòt, en lenga nòstra

Per los que l' aun totjorn parlada,

Mas quitament, pauc doblidada

E que jamai aun renegada.

Car aici, sèm Lengadocians

E de region dicha Occitània.

Un jorn vendrà ont nòstra lenga

Ressorgirà de son silenci. » (2016)

Lo Portaire de mon enfáncia de Gèli Combas

Silvia — 2023-08-02T18:57:24Z

LO PORTAIRE DE MON ENFÀNCIA GÈLI COMBAS

Extrach de la revista del Grelh Roergat n 132

« Lo portaire de mon enfância cada jorn percorriá las rotas bestòrtas del canton al volant de sa 4L jauna siglada PTT sus sas doas portièiras.

Cada matin abans de quitar lo bastiment de la Pòsta triava son corrièr e preparava sa virada. Un fais de letras, jornals, revistas e paquets a ordenar dins las caissas per oblidar pas res ni degun e se trapar pas, a la fin de la virada, amb de causas qu'auriá pas distribuidas.

La veitura jauna s'encaminava pel campèstre, quin temps que faguèsse. L'ordre de passatge èra plan establit : d'en primièr las bòrias acrocadas pels travèrsses qu'agachan cap a Rance, puèi lo vilatge, per enfin acabar per las bòrias que tiran cap als Monts de Lacauna. Aquò, dins las tubas negras que son la marca de fabrica d'aquel canton de país sus las bòlas de Roergue e albigés, dins la nèu que tan sovent lo fasiá damnejar, dins lo vent d'amont qu'òm ditz que fa venir lo mond fats o jol solelh d'estiu, ça que la jamai pro caud per far cantar las cigalas.

Lo portaire èra l'amic fidèl de totes los estatjants, sens diferéncia. Encara mai l'amic de los que, embarrats al fin fons de lor bòria perduda al mitan d'enlòc, plan sovent vesián pas degun mai, levat el, de tota la setmana !

Èra un temps que degun pel país auriá pas agut idèa de metre una bóstia de letras, que tot a pena se qualques uns sabián qu'aquò podiá existir ! Lo portaire dintrava dins cada ostal e coneissiá lo pichon nom de cada papeta, cada mameta, dels parents coma del darrièr nascut. Sabiá tanben fört plan los airals que caliá que se mesfisèsse dels cans. E ça que la coneissiá tanben lo nom de la màger part d'aquestes. Aviá trapat lo biais d'amistançar fins als pus reganhuts : al pè del sèti del passatgièr de la 4L, aviá totjorn una saqueta de croquetas. Tanlèu davalar de l'autò, ne lançava doas o tres cap al can romegaire en siulant ; o cossí crompar la patz !

Portava las novelas dels cosins de París, dels enfants partits estudiar o trabalhar a la vila, portava lo jornal en çò de los qu'avián lo dequé per i s'abonar. Portava tanben Lo Pelegrin dins mantun fogal, que nautres dròlles l'esperàvem cada dijòus amb impaciéncia per i legir las aventuras d'Asterix e de Pat'a Pof que ne publicavan una fuèlha cada setmana.

Entre Nadal e lo Primièr de l'An sas caissas èran comolas de las cartas de vòts que totas las familhas avián costuma de se mandar, e mai que metián un punt d'onor a o far. Lo telefòn èra pas encara dintrat dins totes los ostals e plan sovent i aviá dins l'envolopa, escondit entre la carta de vòts e la mitat d'una fuèlha de papièr, qualque bilhet de cent francs mandat per un pairin o una mairina per estrena del filhòl o de la filhòla ...

Mas lo portaire de mon enfância portava pas sonque de corrièr. Èra pas rar qu'agèsse dins sa veitura quora un sacat de remèdis qu'èra passat quèrre a la farmacia del caplòc de canton per qualqu'un que se podiá pas desplaçar ; quora una mòstra que tornava menar d'en çò del relotgièr a son proprietari, un còp reparada ; quora un panieirat de mongetas qu'una maire mandava a sa filha de l'autre costat de la comuna ; quora encara un bilhet de lotariá per una mameta. Portava tanben dins sa biaça de cuèr castanha las pensions dels vièlhs. E mai se faguèt pas jamai atacar per cap de paucval !

E per dessús tot aquò, plan mai que lo corrièr e las comissions, lo portaire de mon enfância portava las novèlas del país. Om lo cargava de far saupre qu'un tal o una tala èra defuntat ; qu'un autre qu'èra estat espitalizat èra tornat a l'ostal o qu'un autre encara portava plan mal. E quand lo clas sonava per n'acompanhar un a son darrièr ostal, lo portaire èra aquí a l'enterrament, als costats de la familha.

Es pauc dire que cada jorn creava, sens solament se'n trachar, de ligam social mai que degun pus. Tanben quand arribava lo mes de decembre e que menava dins una segonda biaça, tot exprès per aquô. lo famós almanac de las PTT, lo mond planhián pas de li balhar un o ass bilhets de cent francs.

A, l'almanac del portaire ! Mainatges, nos permetiá de somiar un pauc amb sa carta d'Avairon, sa tièira de las comunas e las datas de totas las fièiras ; e la carta de França ! E la tièira dels departaments que n'apreniam amb el los numeròs ! E las paginas amb totes los sants e santas e la data de lor fèsta ! E las fotòs de cans, cats, cavals païsatges de nèu, de montanha o de campèstre qu'alucavan d'estelas dins nòstres uèlhs ! Dins cada ostal l'almanac de las PTT demorava tot l'an en bona plaça penjat darrièr la pòrta de la cosina o pausat sus la chimenèia. Los parents e los rèires lo tenián sovent agachat per saupre quora la luna permetriá de semenar los trufets o las mongetas o de sangnar lo pòrc.

Sangnar lo pòrc ! Vaquí un acte fört de la vida païsana, l'ivèrn, que se podiá pas concebre sens aver consultat lo portaire e son agendà. En efècte, de la debuta de decembre a la fin de febrièr caliá qu'agèsse l'estomac solid nòstre portaire, que dins totes los ostals se sangnava un pòrc, plan sovent dos, e èra sistematicament convidat al repais de miègjorn de la fèsta porcala. E gara a refusar pas, qu'auriá durablament malcontentada la familha ! Après aver consultat lo portaire, teniá arribat que d'unes desplacèsson d'un jorn o dos la data de la tuariá per l'aver a taula lo jorn dich.

Fèsta porcala o pas, las ocasions li mancavan pas al portaire de levar lo coide. Se, a la debuta de la virada, las proposicions se limitavan al cafè, quand miègjorn se sarrava èra puslèu question d'aniseta. E quant als repaisses, èran pas assgr2's sonque amb d'aiga de Mejanas e s'acabavan totjorn, per butar lo cafè, amb ana gota de vièlha pera o pruna. Tanben, sul còp de doas oras, quand entamenava la darrièira partida de sa virada abans de tornar davalar al caplòc, podiá arribar que la 4L jauna faguèsse qualques ziga-zagas e mordiguèsse mel o mens l'èrba de la banqueta ... E mai qu'amb la neu li arribèt mai d'un cas d'anar per de bon al valat !

Lo portaire de mon enfância èra un personatge respectat, coma lo curat o lo conse. Cal dire qu'anava vestit de la tenguda grisa-blava reglamentària, casqueta de la visièira sul cap, e qu'aquel uniforme, a el sol, impausava respècte.

Coma nombre de sos collègas, èra montat far sas classas a París abans de tornar al país dins son Avairon natal. Aimava son mestièr e òm vesiá ben que lo fasiá cada jorn amb amor e força plaser. O fasiá amb tant de natural que, per segur, se deviá pas trachar de tot çò que menava de positiu dins los ostals, tant amb son eternala bona umor coma amb totes los servicis que podiá rendre a cadun.

Los meus jamai oblidèron pas çò que ieu, mainatge, respondèri un jorn a un oncle que me demandava çò qu'aimariái far coma mestièr un còp que seriái grand. "Portaire", li diguèri sens brica trantalhar. "Portaire ?, me respondèt estonat, e perqué diable vòls far portaire ? - Per çò qu'aital beurai la gota cada jorn quand passarai dins los ostals !" Aquela explicacion lor clavèt lo bèc a totes e partiguèron d'un grand rire. Aquò va sens dire que dempuèi, aquela anecdòta la me tornèron servir un còp e un autre. Mas finalament faguèri pas portaire. E uèi o regrèti pas.

– Lo portaire de mon enfância, i a bèl brieu que prenguèt sa retirada. Lo mestièr qu'èra seu existís pas pus dempuèi longtemps. Me remembri cossi èra en colèra pauc de temps abans d'acabar sa carrièira quand l'administracion incitèt fortament lo mond a installar una bóstia de letras. "La podètz metre se lor volètz far plaser ; mas ieu aquò m'empacharà pas de contunhar a vos portar lo corrièr dins l'ostal !" Las PTT se dison pas mai PTT ; los pus joves an pas coneguda aquela sigla. Al jorn de uèi los portaires, dins los pus pichons vilatjons coma en vila son de personatges anonims completament intercambiables que coneisson pas los estatjants de lor virada e s'acontentan d'engulhar qualques facturas e prospèctus dins de bóstias de letras impersonalas. Pòrtan pas mai ni cartas de vòts, ni novélas dels cosins de París, ni encara mens de panièrs de mongetas. E los mainatges d'uèi aprenon pas pus los departaments de França dins l'almanac. Ni mai i a pas pus besonh d'almanac perindicar las datas de las fièiras, que de fièiras n'i a pas mai ... Mas cossi quesia, dins un recanton de ma memòria demorarà a jamai una plaça pel portaire de mon enfância ! »

DIREM A LA NÒSTRA NENA LOÏSA PAULINNISESNises...

Claude Vertut — 2023-07-27T21:44:33Z

DIREM A LA NÒSTRA NENA
LOÏSA PAULIN

NISES

Nises de plumas, nises de fuèlhas,
nises d'aiga e nises d'estelas,
vos ai cercats, vos ai trobats,
vos ai careçats* de mas mans
e de mon còr e de mon ama .*
Mas lo nis qu'ai lo mai aimat,
mas lo nis qu'ai lo mai cercat,
mas lo nis qu'ai jamai trobat,
es lo còr d'aquel que tant aimi.

FUM

Non, non, anuèit vòli fugir l'ostal !
Vòli lo fial de fum que s'estira suls camps
quand lo lauraire aluca un fuòc d'erbassas.
Ò fial de fum, vèni ligar un raive,*
un raive que m'escapa
– coma tu, fial de fum -
per fugir cap a las estelas.

LA PALOMBA

Ont vas, ont vas, Palomba,
ont vas abans la nuèit ?
Ont es l'arbre d'amor que te pòt aparar,
lo ramèl enfrenit que te poirà* breçar
e la fuèlha enjaurida que te pòt amagar ?
Ont vas, ont vas, Palomba,
ont vas abans la nuèit ?
Lo caçaire t'espère e lo treslutz es triste,
paura, paura Palomba !

FIJAC EN CARCIN

Claude Vertut — 2018-08-22T17:12:00Z

LE VINGT-CINQUIEME PRIX PAUL FROMENT
(Médaille)
Est décerné à Jean Bonhomme (Cantal), pour « Fijac en Carcin ».

FIJAC EN CARCIN

Fijac de l'Olt, segonda vila,
Es plan plaçada dins lo Carcin :
Val del Célé, en cap de linhas,
Al cairefoc de grands camins.
Amont Bagnac, porta d'Auvemha,
Per bas Caors, e d'un costat
Las grandas balmas dins la montanha,
Vas l'autra riba ia Capdenac.

Fijac en Carcin, ciutat antica,
Vielhas carrièras, bels monuments,
D'Edat mejana, es toristica
E vos reserva de bons moments.
Ostal ancian de la Moneda,

Amb lo Musèu de Lapidari :
Fornèls, grifols, e la Roseta,
Roïnas preciosas, restas de barri.

Lo rei Pépin l'avia fondada
La glèisa maire San Salvador ;
L'antica abadià, ditz la legenda,
Avia per sôrre Rocamador.

Mas una estèla es sus la plaça,
Un obélisque de Champollion ;
Aquel efant de nôstra raça
Fa d'ieroglifs la traducción.
Oc, omenatge al grand sabent,
Al filh de l'Olt lo pus valent.

ENVOI ci-dessus :
Oui donc, hommage au grand savant,
Au fils du Lot le plus brillant.

Jean BONHOMME. (Premier prix).
Òltis numéro 83

LOU PEILLOROT : Docteur Boissel

Claude Vertut — 2017-11-30T17:18:07Z

LOU PEILLOROT
Lou ser ol countou, Docteur Boissel, 1935.

Pels dé lèbrés, pels dé lopins !
Oqui, lou mertsant dé misèro,
Crompi ço qué bal lou pus mins,
As dé lo peillo, cousinièro ?

Et, corgat coum'un osicot,
En engrunant so ritoumello,
Tus lus ans, nostré peillorot
Tomo coummo lo biroundello.

Traous fogots, m'onabi sorra,
Quand lou sobioï dins lou bilatsé,
Dé pooù dé mé fa n'empourta,
Coummo lus qué n'èren pas satsés.

Semble qu'entendi lo Mioun
Hélas, yo bien dé ten qué morto),
Toléoù qué n'èro pas trop loua,
L'y diré del pas dé lo porto.

Anen ! dintro, grand couquinard,
L'a toutsours to falso roumano,
Oun lo lioùro faï mas très quarts
Quand coïdé lo peillo dé lano ?

Et patati et patata,
En ottenden lou comorado,
Qué counessio bien soun offa,
Gognabo l'ortsen, o corrado.

Et l'o pooùsat, lou biel copcl,
Porto pus lou sat sus l'esquino,
Lou peillorot o soun costel
Et dins so bello auto, comino.

Lou ser ol contou, Docteur Boissel, 1935.

Pels dé lèbrés, pels dé lopins !
Oqui, lou mertsant dé misèro,
Crompi ço qué bal lou pus mins,
As dé lo peillo, cousinièro ?

Et, corgat coum'un osicot,
En engrunant so ritoumello,
Tus lus ans, nostré peillorot
Tomo coummo lo biroundello.

Traous fogots, m'onabi sorra,
Quand lou sobioï dins lou bilatsé,
Dé pooù dé mé fa n'empourta,
Coummo lus qué n'èren pas satsés.

Semble qu'entendi lo Mioun
Hélas, yo bien dé ten qué morto),
Toléoù qué n'èro pas trop loua,
L'y diré del pas dé lo porto.

Anen ! dintro, grand couquinard,
L'a toutsours to falso roumano,
Oun lo lioùro faï mas très quarts
Quand coïdé lo peillo dé lano ?

Et patati et patata,
En ottenden lou comorado,
Qué counessio bien soun offa,
Gognabo l'ortsen, o corrado.

Et l'o pooùsat, lou biel copcl,
Porto pus lou sat sus l'esquino,
Lou peillorot o soun costel
Et dins so bello auto, comino.

Los gabariers de la Dordonha Chanson Eusèbe Bombal Argentat 1913

Claude Vertut — 2017-11-28T20:07:55Z

Los gabariers de la Dordonha
Chanson
Eusèbe Bombal Argentat 1913
Ce texte à été rapporté par Pierre Laval

Lo gabarier a temps plasent,
Quand pleu per ilh ,
Quo es de l'argent,
Ne'n tomba coma qu'un la botja !
Dela païs naut a nostre port ,
Chargjam jusqu'à rasis bord
Pas de fenhants ,l'estiu deslotja,
Filhas auran per Carnaval
Cotilhon neu, neu davantal .
Coratge efants ! A la besonha !
Pren ton balanç, sauta meiram,
Los gabariers de la Dordonha !

Les gabariers de la Dordogne
Le gabarier a temps agréable,
Quand il pleut ,
Pour lui c'est de l'argent,
Il en tombe à plein seaux
Du pays haut à notre port
Nous chargeons jusqu'à ras bord !
Pas de fainéant, l'été dégage
Les filles auront pour Carnaval
Cotillons neufs et nouveau tablier,
Courage enfants ! A la besogne !
Prends ton élan , saute merrain
Les gabariers de la Dordogne !
(ci dessous : photo de mon ami Jean Tigé)

LA TINDONA

Claude Vertut — 2017-11-18T19:52:25Z

La Tindona
De la frucha que Dieu nos dona
Sens maganha es al primièr reng
La nòstra poma, la Tindona
Al gost d'autona e de grand vent.

Chas nautres lo pépie s'estona
Del triomfe de la Golden
Quand la nòstra es cent còps pus bona
E pus crussenta jos la dent.

Un còp de mai, daissem-los dire, Àquels vilatons de travèrs,
De la Tindona, grands espèrs,

Qu'auràn pas jamai lo sorire
Dels gromands, que per un empire
Ne vodrién pas d'autra al dissèrt...

Enric Mouly

La Tindoune
De tous les fruits que Dieu nous donne
Sans difficulté elle est au premier rang
Notre pomme la Tindoune
Au goût d'automne et de grand vent.

Chez nous le Pépé s'étonne
Du triomphe de la Golden
Quand la nõtre est cent fois plus bonne
Et plus croquante sous la dent.

Une fois de plus, laissons les dire,
Ces citadins de coteaux,
De la Tindoune, grands espoirs.

Ils n'auront jamais le sourire
Des gourmands qui pour un empire
Ne voudraient pas d'autres dessert...

Henri Mouly.